Среда, 30.09.2020, 04:03 | Приветствую Вас Гость

detki-bedki.moy.su

Каталог статей

Главная » Статьи » Малыш » Обращаемся к высшим силам

Молитва ко своему Ангелу Хранителю

О святый Ангеле, хранителю и покровителю мой благий! С сокрушенным сердцем и болезненною душею предстою ти, моляся: услыши мя, грешнаго раба своего (имя рек), с воплем крепким и плачем горьким вопиющаго; не помяни моих беззаконий и неправд, ими же аз окаянный прогневляю тя по вся дни и часы, и мерзостна себе творю пред Создателем нашим Господом; явися мне милосерд и не отлучайся мене сквернаго даже до кончины моея; возбуди мя от сна греховнаго и пособствуй твоими молитвами прочее время живота моего без порока прейти и сотворити плоды достойны покаяния, паче же от смертных падений греховных соблюди мя, да не погибну во отчаянии и да не порадуется враг о погибели моей. Вем воистинну и усты исповедую, яко никтоже таков друг и предстатель, защититель и поборник, якоже ты, святый Ангеле: предстоя бо Престолу Господню, молишися о мне непотребном и паче всех грешнейшем, да не изымет Преблагий души моея в день нечаяния моего и в день творения злобы. Не престай убо умилостивляя премилосердаго Господа и Бога моего, да отпустит согрешения моя, яже сотворих во всем житии моем, делом, словом и всеми моими чувствы, и имиже весть судьбами да спасет мя; да накажет мя зде по Своей неизреченной милости, но да не обличит и не истяжет мя онамо по Своему нелицеприятному правосудию; да сподобит мя покаяние принести, с покаянием же Божественное Причащение достойне прияти, о сем паче молю, и таковаго дара всеусердно желаю. В страшный же час смерти неотступен буди ми, благий хранителю мой, прогоняя мрачныя демоны, имущия устрашити притрепетную душу мою: защити мя от тех ловления, егда имам преходити воздушная мытарства, да храним тобою, безбедно достигну рая ми вожделеннаго, идеже лицы святых и горних сил непрестанно восхваляют всечестное и великолепое имя в Троице славимаго Бога, Отца и Сына и Святаго  Духа

Категория: Обращаемся к высшим силам | Добавил: админ (16.11.2014)
Просмотров: 213 | Теги: Молитва к Ангелу Хранителю | Рейтинг: 5.0/1
Всего комментариев: 0
avatar
Категории раздела
Рождение ребёнка [2]
Маленькие болезни [6]
Дошкольное образовательное учреждение [6]
Домашний ребёнок [18]
Животные и растения в доме и на приусадебном участке [3]
Обращаемся к высшим силам [5]
Питание малыша [5]
Учим ребёнка одеваться [3]
Походы в общественные места [2]
Чего боятся малыши [7]
Вход на сайт
Поиск
Наш опрос
Наши детишки, это:
Всего ответов: 21
Друзья сайта
  • Практика магии
  • Погода в доме
  • Странник
  • Травник
  • Статистика

    Онлайн всего: 1
    Гостей: 1
    Пользователей: 0